Estimados Membros do Parlamento Europeu, queremos expresar nosa máis profunda preocupación sobre o futuro de Internet en Europa en relación ás últimas emendas ao Paquete de Telecomunicacións que se atopa na última fase do proceso de Segunda Lectura. Algunhas emendas daniñas adoptáronse o 31 de marzo na comisión de Consumidores e Industria (IMCO) A maioría desas emendas debilitan ou deixan sen sentido calquera protección consumidoras e consumidores, permiten prácticas en detrimento dos dereitos fundamentais da cidadanía e outorgan poderes amplos e discrecionais ás compañías de telecomunicacións.

As emendas relativas á discriminación do tráfico de Internet permitirán aos provedores de acceso filtrar contidos e aplicacións e dar prioridade a determinados servizos e o bloqueo doutros. As consecuencias serán catastróficas para as liberdades da cidadanía e para a innovacón baseada en Internet. Algúns operadores de negocios en Internet deixarán de ter a seguridade de chegar a todos os que os usuarios de Internet de Europa. Á inversa, cada usuaria ou usuario de Internet verá só a porción da Web á que o seu provedor lle permita acceder

Un acceso aberto e non discriminatorio, que foi sempre a base do crecemento de Internet, está sendo ameazado polas compañías americanas de telecomunicacións, que promoveron algunhas desas emendas. Esas emendas emendas crearán un estado permanente de escaseza de ancho de banda e permitirán ás compañías a priorizar determinados contidos, aplicacións e servizos sobre outros. Desincentivarán tamén os investimentos en Infraestrutura, impedindo a competencia e a innovación. Isto ameazará seriamente a liberdade de expresión. É máis como EU Observer sinalou: (http://euobserver.com/19/27859)

"O Presidente de Estados Unidos, Barack Obama fixo da neutralidade da rede un asunto clave na súa campaña e a principios de Marzo nombrará a Julius Genachowski, un forte defensor da neutralidade na Rede, como o máximo regulador das telecomunicacións do país. As grandes compañías americanas de telecomunicacións entenderon a mensaxe e moveron a súa batalla á outra beira do Atlántico."

As enminedas de AT&T promovéronse, como mínimo, sen ter en conta seu potencial para retardar a innovación en Europa e para poñela en desvantaxe respecto a Estados Unidos. O mercado interior europeu, que está baseado de maneira importante en Internet, non terá mais os beneficios dun Internet aberto e sen discriminacións. Aínda que eses beneficios aínda estarán dispoñibles para todos os demais países fóra de Europa.

Neste momento dunha seria crise económica, o risco é que a separación entre Europa e Estados Unidos sexa criada de forma artificial, relentizando a poboación das infraestruturas de telecomunicacións.

Entendemos que o Parlamento foi correctamente informado, cando non desinformado, sobre os anteriormente mencionados riscos que apareceron máis claramente despois do proceso da primeira leitura.

Xa, o 3 de abril, a maior compañía de móbiles de Alemaña anunciou que están bloqueando Skype, a pesar de que Skype é por un lado unha aplicación clave na comunicación de voz en Internet, ademais de ser coñecida por consumir unha pequena cantidade de ancho de banda. Por tanto é obvio que a decisión non se baseou nunha necesidade real de xestión do tráfico ou de calidade do servizo. Mostra que as políticas de xestión de tráfico e a calidade do servizo poden usarse como escusa para bloquear aplicacións específicas. Tamén demostra que deixar depender na competencia entre as compañías de telecomunicacións a neutralidade da rede é un mecanismo burdo e pon de relevo a necesidade de que a Directiva de Servizo Universal garanta á cidadanía, negocios e operadores de Internet, acceso sen límites aos servizos, aplicacións e protocolos en Internet.

Por iso pedímoslles que consideren o asunto coidadosamente, xa que o futuro de todo Internet en Europa e, polo tanto, dun elemento clave do futuro social e a prosperidade económica de Europa, están en xogo neste momento.

Convidámolos a examinar as seguintes análises independentes relativas aos artigos enmendados das Directivas de Servizo Universal, Directiva Marco e de Autorización de Monica Horten, doutorando en Política de Comunicación Europea da University of Westminster, Communication and Media Research Institute.

http://www.iptegrity.com/index.php?option=com_content&task=view&id=302&I...
http://www.iptegrity.com/index.php?option=com_content&task=view&id=304&I...

Esperamos que defendan os dereitos fundamentais da cidadanía e a futura prosperidade económica do mercado do proxecto europeu que está construído ao redor de liberdades fundamentais en Internet.

Na nosa coalicion contamos con expertos en áreas relevantes respecto a Internet e aos dereitos da cidadanía, incluido filtrados, tecnoloxías de rede, xestión de dereitos dixitais, privacidade e protección de datos, política lexislativa, dereito, medios e software.

Pedímoslles que consideren emendas baseadas nos principios Noruegos, (http://www.npt.no/ikbViewer/Content/109604/Guidelines%20for%20network%20...) que apoien a emenda 138 e o art. 32 a da Directiva de Servizo Universal e que eliminen calquera referencia a emendas que propón calquera forma de limitación.

Atentamente.

Estes dias vaise celebrar en Barcelona o FEMELEK, un festival de música electrónica producida por mulleres, estase a converter en toda unha referencia no panorama electrónico non só en barcelona, se non no estado.
O FEMELEK realizarase o día 6 de Marzo no Convent de Sant Agusti a partir das 20h e con entrada libre.