olholivre

É já esta sexta-feira: ali na zona do Marquês nasce um hacklab! Andámos a recolher computadores velhos e a torná-los livres com sistemas GNU/Linux; anda visitar-nos para nos ajudares a pensar no que podemos fazer com eles!

-* el calculo unido jamas sera vencido *-

! 20 / 02 / 2009 !

É coñecido que películas como The Lord Of The Rings, The Matrix, Shrek 3 e tantas outras superproduccións de Hollywood basean o seu software en GNU/Linux, empregando aplicacións deseñadas polas propias empresas, non socializadas en forma de software libre. É famoso o Pixar Renderman, por exemplo, co cal realizáronse películas como a saga de Toy Story.

Pero esta situación crea unha contradicción verdadeiramente molesta: os programas para edición de vídeo profesionais que funcionan en Hollywood sobre sistemas libres GNU/Linux non son libres... o sistema operativo de base é libre, e a aplicación que corre sobre este non o é... por tanto o resto dos usuarios da comunidade non o poden empregar, e traballan co material que se produce desde a propia comunidade, que non se beneficia de todo o desenvolvemento que fan as "majors", que ainda que provén dun traballo libre e comunitario non volta a esta para enriquecela.

Sexa como for, e sen esperar que a industria norteamericana do cine se digne a producir software libre, desenvolvedores independentes dedicáronse a crear Kdenlive, Kino ou Cinelerra, programas para edición de vídeo que, aínda que teñen as súas dificultades, poden producir bos resultados.

A noticia é que a comunidade de CinelerraCV está a traballar no Lumiera, proxecto nacido como unha re-escritura do código base e chamado Cinelerra 3, converténdose posteriormente nun proxecto independente.

Aínda está nun estado de desenvolvemento moi inicial e non é usable, mas os seus obxectivos son: crear comunitariamente unha aplicación de edición de vídeo non lineal para sistemas GNU/Linux/Unix/Posix axeitada á calidade que se busca nos traballos profesionais, construída con ferramentas e librarías de vídeo, son e interface de usuario comúns, brindando flexibilidade e un algo grao de configuración con control total de todos os parámetros, pero ao mesmo tempo deberá brindar unha forma de traballo que se axuste a grandes proxectos.

Se queres máis info, preme aquí.

Este ano, na Sala Apolo- Barna, 28 de outubro ás 20,30 h terá lugar a gala dos Oxcars, artellado polo colectivo de activistas pola cultura libre ExGAE

Durante sete horas haberá actuacións, premios,... na que creación en código aberto e a cultura compartida serán as principais protagonistas. Xogando coa posta en escea dos grandes eventos do mercado do arte e a cultura, este acto plantéxase coma unha deconstrucción deste xeito de creación excluinte, pobre ou nulo nos contidos e absolutamente elitista, onde unha minoría produce e a maioría consume de xeito pasivo. É un xeito tamén de dar a coñecer, e polo tanto promocionar a todas aquelas persoas e colectivos que están a desenrolar a sua creatividade de xeito aberto e cooperativo, na procura de que cada vez máis persoas e espazos abandonen o consumo privativo de producción cultural e aposten pola cultura livre.

Máis info en: http://exgae.net/